Հայոց ցեղասպանության 109-րդ տարելից

24 ապրիլի, 2024

2024թ. ապրիլի 24-ին Հայոց ցեղասպանության 109-րդ տարելիցի կապակցությամբ Հնդկաստանում ՀՀ դեսպան Վահագն Աֆյանը Կալկաթայի Սբ․ Նազարեթ եկեղեցում մասնակցել է Հնդկահայոց հոգևոր հովիվ Տ. Տաճատ վարդապետ Ծատուրյանի կողմից մատուցած Սրբոց նահատակաց բարեխոսական կարգին և ծաղկեպսակ տեղադրել եկեղեցու բակում տեղակայված, Հնդկաստանում միակը համարվող, Հայոց ցեղասպանության զոհերի հիշատակը հավերժացնող հուշակոթողին:

Հնդկաստանում ՀՀ դեսպանության խորհրդական Տիգրան Գրիգորյանն ու առաջին քարտուղար Վլադիմիր Պողոսյանը նույն օրն այցելել են Հնդկաստանում առաջին հայկական գաղթօջախի՝ Ագրայի գերեզմանատուն, հարգանքի տուրք մատուցել և ծանոթացել 400 տարուց ավել պահպանված հայկական տապանաքարերի և շիրմաքարերի վիճակին։

Հնդկաստանում ՀՀ դեսպանության խորհրդական Մարատ Մելիքյանն էլ Չեննայում մասնակցել է Սբ. Աստվածածին եկեղեցում կազմակերպված, Հայոց ցեղասպանության զոհերի հիշատակին նվիրված Մարի Պողոսյան Պրաշանտի անհատական նկարչական աշխատանքների ցուցահանդեսին, որին ներկա է գտնվել նաև Չեննայում ՀՀ պատվավոր հյուպատոս Շիվկումար Էաշվարանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր